أكبر ريفيو عن صابون البشرة الدهنية مع تيماء المصرية
كاتب الموضوع
رسالة
Admin Admin
عدد المساهمات : 11 تاريخ التسجيل : 27/06/2015
موضوع: أكبر ريفيو عن صابون البشرة الدهنية مع تيماء المصرية الثلاثاء يونيو 30, 2015 11:50 am
كنت وعدتكم يا فتوكات انى انزل موضوع عن كل الصابون اللى استخدمته مع بشرتى الدهنية وبتعانى من الحبوب يالا نبدأ
صابونة نيتروجينا كنت جيباها بـ 36 جنيه بصراحة محستش بأى تأثير ليها خالص لما استخدمتها كأنها صابونة عادية جدا بتنضف الدهون وخلاص تقيمى ليها : 1 من 10 صابونة سينوبار
كنت جيباها بـ 10 جنيه حلوة وبتنشف الحبوب وبتتحكم فى الدهون بس بتنشف الوش بزيادة شوية وكمان لما بغسل بيها الاقى وشى افتح وابيض فجأة كده ودى اكتر حاجة حبيتها فى سينوبار المشكلة لما جيت اكررها تانى لاقيت بشرتى خدت عليها مكنتش بتنشف الحبوب زى الاول وكمان مكنتش بترغى كويس ممكن يكون عيب صناعة الله أعلم تقيمى ليها: 8 من 10
صابونة ناترى
صابونة حلوة للبشرة الدهنية عشان بتمتص الدهون كويس لكن بالنسبة للحبوب ولا أى اندهااااااااااااااااااااش كنت جيباها ب 12 جنيه تقيمى ليها 4 من 10 صابونة أكنى فيرا
كنت جيباها بـ 10 جنيه تقريبا فى الحبوب مالهاش تأثير يذكر هى مناسبة للبشرة الدهنية اللى معرضة للحبوب لكن اللى عندهم حبوب اصلا مش هتنفعهم ميزتها مش بتنشف الوش تحسى انها فيها نسبة ترطيب تقيمى ليها: 5 من 10 صابونة تراى تكت
التوووووووووووووووووووووووووووووب أحسن صابونة للحبوب استخدمتها بتنضف كويس وبتنشف الحبوب بجد تحفة من هناااااا لبكرررررررررررررررررررررة سعرها 12 جنيه تقيمى ليها: 10 من 10 صابونة دوف طبعا غنية عن التعريف استخدمتها فى فترة لما زهقت من كتر تجارب الصابون والغسولات وكان نزلها مواضيع كتير ان البنات اللى ماشية عليها بشرتهم بقت جميلة بصراحة بتخلى البشرة ناعمة جداااااااااااااا بس ماتنفعش كتنضيف اساسى للبشرة الدهنية هى ممكن تغسلى بشرتك بيها قبل النوم مثلا هتصحى تلاقى بشرتك ناعمة ومعاها صابونة للحبوب تستخدميها طول اليوم سعرها 6 جنيه تقيمى ليها: 7 من 10 صابونة ملح الحليب يوكو سبا كنت جيباها ب 8 جنيه تقريبا حلوووووووووة اوى للى عايزة تفتح بشرتها وخصوصا البنات اللى عندها لونين فى وشهم من الطرحة والشمس استخدمتها فترة فتحتلى بشرتى اللى اتبهدلت الصيف اللى فات بس طبعا نفس الكلام زى دوف ماتنفعش كتنضيف اساسى للبشرة الدهنية تقيمى ليها: 7 من 10 صابونة كلير اند كلير كنت جيباها ب 5 جنيه ونص تقريبا عادية اوى اوى كأنها صابونة عادية يمكن غسول كلين اند كلير فعال عنها تقيمى ليها: 2 من 10 صابونة جونسون جميلة اوى وفيها مرطب زى دوف واحلى كمان وبردو نففففففففففففففس الكلام ماتنفعش كتنضيف اساسى كنت جيباها ب 6 جنيه تقيمى ليها: 7 من 10
صابونة الجلسرين من لونا
كنت جيباها ب 8 جنيه تقريبا جميييييييييييييييلة احسن صابونة جلسرين موجودة بتنعم اوووووووووى اوووووووووى وبتنضف اوووووووووووووى اووووووووووووووووووووووووووووووووووووى انصح اى حد يستخدمها بجد تنضيف هايل وبتنشف الحبوب الى حد ما اينعم مش زى صابون الحبوب بس هى تحفة برضو
تقيمى ليها: 9 من 10
صابونة الكبريت
طبعا فى منها انواع كتير بس كلهم نفس المفعول حلوة بس لحبوب الجسم لكن الوش مش قد كده هى كتعقيم للجلد هايلة وممتازة لكن علاج لأ
تقيمى ليها: 8 من 10
كده انا خلصت عندى بس كام ملحوظة 1-تقيمى ده بناءا على تأثير المنتجات دى على بشرتى وطبعا التأثير ده ممكن يختلف من بشرة للتانية 2-الاسعار ممكن تكون اتغيرت لان دى تجارب سنين 3-تقيمى مقياسه التحكم فى الدهون والقضاء على الحبوب يعنى دوف طبعا تحفة للبشرة العادية او على الجسم لكن انا بقيمها من ناحية تأثيرها على البشرة الدهنية بس كده
أكبر ريفيو عن صابون البشرة الدهنية مع تيماء المصرية